Зуурмаг хийх жор, арга, зуурмагаар урлан бүтээх

Баримлын шавар худалдаж авахгүйгээр, аав ээжүүд мөн багш нар өөрсдөө хялбар аргаар, гэртээ байгаа хүнсний зүйлсээ ашиглан зуурмаг бэлтгэж, түүгээр хүүхэд тань тоглоом наадгай, бэлэг дурсгал, чимэглэлийн зүйлсийг бүтээлчээр урлан бүтээж болно. Мөн давсан зуурмаг нь хийхэд амархан бөгөөд урлан бүтээхэд тохиромжтой сайн материал.

Үүний гол давуу тал нь та уг материал дотор юу байгааг мэдэж байгаа болохоор “Үүнийг юугаар хийсэн бол? Хортой юу?” гэж эргэлзэх зүйлгүй. Энд зуурмаг бэлтгэх зарим жор, арга [1], тэдгээрээр юу юу урлаж болох талаар зарим санааг харууллаа. Та эдгээрээс туршаад үзээрэй. Урлан бүтээсэн зүйлийнхээ зургийг ирүүлбэл бид талархан хүлээж авч, сайтдаа байршуулж нийтийн хүртээл болгох болно.

Харин Та хүнсний будаг эсвэл янз бүрийн өнгөтэй жимс (аньс, нэрс, цацаргана), хүрэн манжин зэргээс өнгө гарган авч ашиглаарай.

Давсан зуурмаг бэлтгэх

Давсан зуурмагийн жор:

Хоёр аяга гурил
Нэг аяга давс
Нэг аяга ус
Нэг жижиг халбага тос
Хүнсний будаг - өөрийн хүссэн өнгөөр

Зуурмагаа хэвлэж эсвэл өөрсдийн хүссэнээр хэлбэр дүрс гаргаж урлаад цахилгаан зуухны 150°C хэмд 30-40 минут болгоно. Дараа нь түүн дээрээ зурна, будна.

Баримлын шавар бэлтгэх

Баримлын шаврыг дараах орцоор бэлтгэнэ. Эдгээрийн сүүлчийн хоёр орц олдомжгүй бол та орлуулаад хийгээд үзээрэй. Жишээлбэл, жимснээс өнгө гаргаж аваад дээрээс нь желатин нэмж, мөн цөцгий дээрээ крахмал хольж.