Нийслэлийн 146 дугаар цэцэрлэг, Хэнтийн аймгийн 3 дугаар цэцэрлэгийнхэн саяхан ашиглалтад орсон цэцэрлэгээ хэрхэн тохижуулсантай танилцана уу. Тэд манай цэцэрлэг бол бид болон хүүхдүүдийн маань хоёр дахь гэр гэж үзэж, тохижилтынхоо дийлэнхийг өөрсдийн бүтээлч санаа сэдлээр өөрсдөө бүтээж бий болгожээ.
Өмнөговь аймгийн Даланзадгад сумын улсын тэргүүний 24 дүгээр цэцэрлэгт явагдсан “Хүүхдийн хөгжилд бидний оролцоо” сэдэвт ажлын хүрээнд Бага “А” бүлгийн эцэг эхчүүд гарын доорх материал ашиглан “Айл гэр“ сэдэвт тоглоом хийсэнтэй танилцана уу.
Манай багш, туслах багш нар биднийг байсан, байгаагүй хариуцсан ажлаа санаачилгатай, хариуцлагатай гүйцэтгэдэг. Энэ нь цэцэрлэгийн удирдлагаас тэдэнд итгэл өгч, бие даан ажиллах боломж олгодогийн үр дүн юм. Бид (эрхлэгч, арга зүйч) 2016 оны 3-4 дүгээр сард 20 гаруй хоног үндэсний сургагч багшаар аймгууд болон дүүрэгт ажиллан, цэцэрлэгээрээ орох завгүй байлаа.
Манай бүлгийн эцэг эхчүүд “Хүүхэд нэг бүрийн хөгжлийн төлөө хамтдаа” 2 сарын ажлаар 5 багт хуваагдан бүлгийн сургалтын орчинг хүүхдийн сонирхол, хэрэгцээнд тулгуурлан тохижууллаа. Ээж аав нарынхаа тохижуулсан тухтай, сонирхолтой, сайхан орчинд хүүхдүүд маань дуртай тоглон наадаж, хөгжиж байна.
Баянхонгор аймгийн Богд сумын цэцэрлэгийн хамт олон тавилга хэрэгсэл, хүүхэд хөгжүүлэх төвүүдээ модоор онцлог дизайнтай хийсэн нь өнгө үзэмж, эдэлгээ сайтай болжээ. Энд хүүхдүүд тун дуртай тоглон наадаж, үйл гүйцэтгэдэг. Танай ажилсаг, бүтээлч хамт олонд баяр хүргэе!