Тоо тоололтой холбогдох ойлголтыг бага насны хүүхдэд олгохдоо багш нар хөгжилтэй, сонирхолтой янз бүрийн арга, хэрэглэгдэхүүн ашигладаг. Таны сургалтын хэрэглэгдэхүүний арвижуулалтад зориулан цифртэй танилцах дасгал, тоглоомын зарим хэрэглэгдэхүүнийг нийтэллээ.
Монгол үндэсний наадмын нэг бол нүүдэлчдийн үе үеийн амьдрал, ахуйд зохицон тоглох арга, агуулга, хэлбэрийн хувьд төгс боловсорсон, соёлын чухал өв шагайн наадам билээ. Монгол айл бүрт шагай байдаг. Уламжлагдаж ирсэн олон шагайн наадмыг бид мэднэ. Гэхдээ хүүхдүүд шагайгаар цагаан сараар л тоглодог гэж ойлгодог.
Ямар нэг эд зүйлс, дүрсийг тоолоод, цифрээр тэмдэглэх нь багачуудын хувьд амаргүй, нэлээд хийсвэрлэл шаардах боловч энгийн, тоглоомын аргыг ашиглавал тэд төдөлгүй цифрүүдийн учрыг олж, тогтоох болно. Энд хүүхдийг цифртэй танилцуулах зарим аргыг зургаар харууллаа.
Бага насныханд ойлгуулж, тогтоолгоход хүндрэлтэй байдаг зүйлсийн нэг нь 12 жил. Өмнөговь аймгийн Даланзадгад сумын 2 дугаар цэцэрлэгийн арга зүйч С.Цасчихэрийн хүүхдэд 12 жилийн нэрийг дарааллаар нь хялбар тогтоолгох нэгэн аргачлалтай танилцана уу.
Хэн хэн хамт тоглохоо тохирно. (Гурваас таван хүүхэд тоглоно.) Хүүхдүүд олбогоо дэлгээд морины нүүдэл бүхий картаас нэгийг, орхих шагайнуудаа авч тавина. Хүүхэд бүр даага унасан хүүхдээс аль нэгийг сонгож, гарааны зурхай дээр байрлуулна.